Dux Moraud 001 I. Emperourys and kyngys be kende, 002 Erlys and barunnys bolde, 003 Bachelerys and knytys to mende, 004 Sueyerys and 3emen to holde, 005 Knauys and pagys to sende, 006 So parfyt žat aryn to be solde, 007 I prey 3ouw, lordyngys so hende, 008 No yangelyngys 3e mak in žis folde 009 To-day; 010 Als 3e are louely in fas, 011 Set 3ow alle semly in plas, 012 And I xal withoutyn falas 013 Schewe resounus here to 3oure pay. 014 Welthys I welde at my wylle, 015 In word I am knowyn ful wyde, 016 I aue hert and hynd vpon hille, 017 I am gay on grounde for to glyde; 018 Semly žer I syt vpon sille, 019 My wyf and my mené be my syde. 020 I [commaund] 3ow tende my tylle, 021 Or ellys I xal bate 3owre pryde 022 Wyt dynt, 023 And žerfor I warne 3ow infere 024 žat 3e mak neyžer criyng be bere. 025 If 3e do, wythoutyn duere, 026 Strokys at 3ow xal I mynt. 027 Duk Morawd I hot be name, 028 Korteyser lord may be none, 029 Wol fer žan regnyt my fame, 030 To be comly korwnyt from one. 031 I geue gode gyftys with game 032 And saue iche lordyng fro fone, 033 Me bowyn bože wylde and tame, 034 Quežire so žei rydyn er gone 035 Ore scheppe. 036 I am dowty in dede, 037 I am worthy in wede, 038 I am semly in stede, 039 No weleny to me wyl I kyppe. 040 II. Dam, do now ži wylle 041 ži wyage to fulfylle, 042 To že wyl I be beyne. 043 For loue I že pray: 044 Rap že faste in ži way, 045 And cum home sone ageyne. 046 III. Thorow že grace of žat ich Kyngk 047 žat formyt vs alle with wenne, 048 I xal me kepyn from fondyng 049 And als from blame and synne 050 With gras. 051 Jhesu, als žou me wrowtys 052 And with woundys sore me bowtys, 053 Saue me fro wykyt thowtys, 054 Jhesu, fayr in fas! 055 IV. Fare wel, my worlych wyf, 056 Fare wel. loue in lond, 057 Fare žou semlyest lyf, 058 Fare žou happy in hond! 059 V. Maydyn so louely and komly of syte, 060 I prey že for loue žou wyl lystyn to me; 061 To here my resun I prey že wel tythe, 062 Loue so deryn me most schewe to že; 063 My loue to ži body is castyn so bryth, 064 My wyl me most aue of že. 065 žou art louely to leykyn and brythest with ryth, 066 I loue že in thowt, žou semly of ble, 067 Be name. 068 žou maydyn žat moryst ži merthis with myth, 069 Derne dedys me most do be day and be nyth 070 Be že woržiest woundyn, wytthest wyt-- 071 The sože tale I telle withoutyn ony blame. 072 VI. My fere so graciouse in gras, 073 Thanc žou xalt auen of me, 074 For žou art louely in fas 075 And žerto bryth berende of ble. 076 Now wyl I makyn solas, 077 For my deryn loue xalt žou be. 078 Kys me now par amour in plas, 079 Als žou art worly to se 080 In syte. 081 Damysel, fayrest to fonde, 082 Als žou art semly to stonde, 083 Rap we vs to wendyn in honde 084 To ži chambyr žat is so louely of lythe. 085 VII. A! I am wondyn in gret dolour, 086 With danger and tene I am bownde. 087 To me žou geue tent par amowr, 088 And lystne quat I sey žis stounde! 089 3on traytowr xal bewrey vs žis oure, 090 I telle že, semly on grownde; 091 žan xul we aue no socowr, 092 But carys to vs xal be fownde, 093 Iwys. 094 I ne may neuer be fawe 095 Tyl yon traytowr be slaw 096 žat is so rebel in sawe; 097 Sorows mot ay to her kys. 098 VIII. ues w now salyne, be ži fay, 099 že fol žat dede vs žat tene? 100 IX. A! Now am I mery žis stound, 101 žat che is browt to žat ded, 102 For che suld a wreyd vs on ground, 103 žat ilke old schrewed qued, 104 To sorowe che xuld vs a found-- 105 žat adde ben to vs an ewyl red; 106 I care forsože is che wownd, 107 And žerfor I am mery to led 108 And gay. 109 amysel, lo[ue]ly of chere, 110 Mak we mery here, 111 For care, wythoutyn duere, 112 Is went awey for ay. 113 X. A! Aue I begotyn žis stownd 114 A schyld so louely of že, 115 I am in sorows wownd, 116 For care me most fle. 117 I prey že in welth now wownd, 118 žat fot in syt myth I se. 119 XI. Aa fayr and bryt, 120 Do [it] out of my syt, 121 For thowt I am ny sclawe! 122 clo it in present-- 123 žat is my cowmaundement-- 124 Fast bry[n]g it of dawe! 125 For al žis lond I wod nowt 126 žat lordys of žis lond ad yt thowt, 127 žat I ad synd be že. 128 For serow and care žat we xuld drywe 129 We xuld led euer lyf ful rywe 130 And žeron ay to be. 131 žerfor I prey že, 132 For <ži> loue of me, 133 Slo yt with žin hond! 134 ža xul we ben in pes, 135 Withoutyn ony lees, 136 And auyn merth in lond. 137 XII. syng 138 žer I sytte louely in thowr, 139 I thang že louely ž[i]ng, 140 For ži wrkyngys žis oure> 141 For žat parfyt tydyng 142 I geue že allys and bowr, 143 For žou, withoutyn lesyng, 144 Pottyst me fro scham and dolowr. 145 XIII. In to kontré I wyl wend, 146 žer to plete bože fer and hend, 147 With god ds boun. 148 žer as it comyt in my mend 149 For to mete with lordys kynd 150 Bože in fylde and toun. 151 XIV. Betyd me god< >, 152 Into contré < > 153 < > 154 But I prey že žis oure, 155 My der < > paramowre, 156 < > 157 I xal no more žat < > 158 But sertys I xal fond 159 Withoutyn < > 160 day, worlych wyth! 161 Ha godday, louely in lyth! 162 Par< > semly in syth, 163 < > comly < >. 164 XV. I am mythful and mery markyd in mynd, 165 I am flour fayrest be fryt for to fare, 166 I am fayrest in fas, ferly to fynd, 167 I am loueliche in lond, lyttest in lare, 168 I am comly and curteys and crafty of kynd, 169 I am comly castyn fro knottys of care, 170 I am lordly to leykyn lyt vndyr lynd, 171 I am semly to syttun syttys so sare, 172 I wyl pres me in pride! 173 Quan alle že lordys of žis lond are gadered indere, 174 I am flour of hem alle withoutyn duere, 175 And ellys I were woxyn of blamys ryt here 176 But I be ryal in rayis forto ryde. 177 XVI. A! now I here 178 A belle ryngant ful nere, 179 3endyr in že kyrk. 180 žežer I wyl fare, 181 For I am in gret care 182 žer sum god ded to werk. 183 XVII. A synful kaytyf I am, 184 Synfully I aue wrowt blam 185 Be gret tyme of my lyfe. 186 Now, Cryst, ast žou me bowt; 187 Forgeue me žat blam žat I aue wrowt, 188 And make me sumquat blyže! 189 For in žis werd may be none, 190 žat euer tok lyf wyth flesch and bone, 191 žat auyt so gret blam. 192 But I aue gras and help of že, 193 I am lost fro že so fre, 194 In helle to be be nam. 195 A prest now me most aue, 196 If I xal be saue 197 Ageynus Cryst of myth, 198 To telle hym my blam 199 žat I aue wrowt be nam, 200 žat is my thowt now tyth 201 To-day! 202 Jhesu, heuene-flowr, 203 Pot me from dolour, 204 And geue me gras žis o[u]re 205 A prest to auyn, I say! 206 XVIII. A! Blyssyd be žou ay, 207 žat žou com to-day 208 To here my dedly syn! 209 Quylys we are infer, 210 I wyl schrywe me here, 211 For now wil I begyn. 212 I aue led my lyf 213 In sorow and in stryf, 214 With cursydnessys and care; 215 3et is more in my th[o]wt, 216 Synnus I aue wrowt 217 Be my douter in lare. 218 And chyld che bar be me, 219 Quyk was fayr and fre 220 Bože in body and fas, 221 And I myt neuer be fawe 222 Tyl we had hym sclawe-- 223 I sey že sože cas! 224 3et more I wyl telle now. 225 My wyf žer che sclow 226 Thowr egment of me. 227 And žus in my lyf spend-- 228 Lord omnipotent, 229 Grant me my synnus to fle. 230 XIX. I wyl blely, my leue frend, 231 Do penawns bože fer and hend, 232 To saue my sowle fro wrat. 233 XX. Heyl douter, louely of syt. 234 Heyl, louely leuende to-day, 235 Cryst žat is mytty in myt 236 Saue že ermor and ay! 237 XXI. Lat be, my douter dere, 238 Lat be, louely in lere, 239 I aue forsakyn here 240 My blam and my syn. 241 My syn I aue forsake, 242 And to penawns I aue me take, 243 For žat wykkyd wrake 244 Now is time to blyn. 245 And žerfor I prey že, 246 Sertys with herte fre, 247 žat žou mak not me 248 To falle in nomor blam! 249 Now wyl I don away 250 My tresorys rych and gay, 251 And traueylyn I wyl ay 252 For my wykyt fam. 253 XXII. Now my lyf wyl passe 254 Fro me žis i[l]k stonde, 255 I am smetyn in že fas 256 With carful strokys and rownde. 257 Jhesu ful of gras 258 Forgeue [že] žis trespas 259 žat žou ast don to me, 260 And geue že gras to blyn 261 Of žat wykyd syn 262 Quylk žou ast don so fre. 263 My tyme comyst faste to 264 žat I xal pas 3ow fro, 265 In ožir plas to duelle. 266 In manus tuas, domine! 267 Jhesu haue mercy on me, 268 And saue my sowle fro helle.