Wisdom Or, Mind Will, and Understanding Fyrst enteryde WYSDOME in a ryche purpull clothe of golde wyth a mantyll of the same ermynnyde wythin, hawynge abowt hys neke a ryall hood furred wyth ermyn, wpon hys hede a cheweler wyth browys, a berde of golde of sypres curlyed, a ryche imperyall crown ŝerwpon sett wyth precyus stonys and perlys, in hys leyfte honde a balle of golde wyth a cros ŝerwppon and in hys ryght honde a regall schepter, thus seyenge: 001 WYSDOM. Yff 3e wyll wet ŝe propyrte 002 Ande ŝe resun of my nayme imperyall, 003 I am clepyde of hem ŝat in erthe be 004 Euerlastynge Wysdom, to my nobley egalle; 005 Wyche name acordyt best in especyall 006 And most to me ys convenyent, 007 Allthow eche persone of ŝe Trinyte be wysdom eternall 008 And all thre on euerlastynge wysdome togedyr present. 009 Neuerŝeles, forasmoche as wysdom ys propyrly 010 Applyede to ŝe Sune by resune, 011 And also yt fallyt to hym specyally 012 Bycause of hys hye generacyon, 013 Therfor ŝe belowyde Sone hathe ŝis sygnyficacyon 014 Custummaly Wysdom, now Gode, now man, 015 Spows of ŝe chyrche and wery patrone, 016 Wyffe of eche chose sowle. Thus Wysdom begane. 016a Here entrethe ANIMA as a mayde, in a wyght clothe of golde 016b gysely purfyled wyth menyver, a mantyll of blake ŝerwppeon, a 016c cheueler lyke to WYSDOM, wyth a ryche chappelet lasyde behynde 016d hangynge down wyth to knottys of golde and syde tasselys, 016e knelynge down to WYSDOM, thus seyng: 017 ANIMA. Hanc amaui et exquisiui: 018 Fro my yougthe thys haue I sowte 019 To haue to my spowse most specyally, 020 For a louer of yowr schappe am I wrowte. 021 Aboue all hele and bewty ŝat euer was sowght 022 I haue louyde Wysdom as for my lyght, 023 For all goodnes wyth hym ys broughte. 024 In wysdom I was made all bewty bryghte. 025 Off yowr name ŝe hye felycyte 026 No creature knowyt full exposycyon. 027 WYSDAM. Sapiencia specialior est sole. 028 I am foundon lyghte wythowt comparyson, 029 Off sterrys aboue all ŝe dysposicyon, 030 Forsothe of lyght ŝe very bryghtnes, 031 Merowre of ŝe dyvyne domynacyon, 032 And ŝe image of hys goodnes. 033 Wysdom ys better ŝan all worldly precyosnes, 034 And all ŝat may dysyrde be 035 Ys not in comparyschon to my lyknes. 036 The lengthe of ŝe yerys in my ryght syde be 037 Ande in my lefte syde ryches, joy, and prosperyte. 038 Lo, ŝis ys ŝe worthynes of my name. 039 ANIMA. A, soueren Wysdom, yff yowur benygnyte 040 Wolde speke of loue, ŝat wer a game. 041 WYSDOM. Off my loue to speke, it ys myrable. 042 Beholde now, Sowll, wyth joyfull mynde, 043 How louely I am, how amyable, 044 To be halsyde and kyssyde of mankynde. 045 To all clene sowlys I am full hende 046 And euer present wer ŝat ŝey be; 047 I loue my lovers wythoutyn ende 048 That ŝer loue haue stedfast in me. 049 The prerogatyff of my loue ys so grett 050 ŝat wo tastyt ŝerof ŝe lest droppe sure 051 All lustys and lykyngys worldly xall lett; 052 They xall seme to hym fylthe and ordure. 053 They ŝat of ŝe hewy burthen of synne hathe cure 054 My loue dyschargethe and puryfyethe clene, 055 It strengtheth ŝe mynde, ŝe sowll makyt pure, 056 And yewyt wysdom to hem ŝat perfyghte bene. 057 Wo takyt me to spowse may veryly wene, 058 Yff aboue all thynge 3e loue me specyall, 059 That rest and tranqwykkyte he xall sene 060 And dey in sekyrnes of joy perpetuall. 061 The hye worthynes of my loue 062 Angell nor man can tell playnly. 063 Yt may be felt in experyens from aboue 064 But not spoke ne tolde as yt ys veryly. 065 The godly loue no creature can specyfye. 066 What wrech is that louyth not his love 067 ŝat louyt hys louers euer so tendyrly 068 That hys syght from them neuer can remowe? 069 ANIMA. O worthy spowse and soueren fayer, 070 O swete amyke, owr joy, owr blys! 071 To yowr loue wo doth repeyer, 072 All felycyte yn ŝat creature ys. 073 Wat may I yeue yow ageyn for ŝis, 074 O Creator, louer of yowr creature? 075 Though be owr freelte we do amys, 076 Yowr grett mercy euer sparyth reddure. 077 A, soueren Wysdom, sanctus sanctorum, 078 Wat may I yeue to yowr most plesaunce? 079 WYSDOM. Fili, prebe michi cor tuum. 080 I aske not ellys of all ŝi substance. 081 Thy clene hert, ŝi meke obeysance, 082 Yeue me ŝat and I am contente. 083 ANIMA. A, soueren joy, my hertys affyance, 084 The fervowre of my loue to yow I present. 085 That mekyt my herte, yowr loue so ferwent. 086 Teche me ŝe scolys of yowr dyvynyte. 087 WYSDOM. Dysyer not to sauour in cunnynge to excellent 088 But drede and conforme yowr wyll to me. 089 For yt ys ŝe heelfull dyscyplyne ŝat in Wysdam may be, 090 The drede of God, ŝat ys begynnynge. 091 The wedys of synne yt makyt to flee, 092 And swete wertuus herbys in ŝe sowll sprynge. 093 ANIMA. O endles Wysdom, how may I haue knowynge 094 Off ŝi Godhede incomprehensyble? 095 WYSDOM. By knowynge of yowrsylff 3e may haue felynge 096 Wat Gode ys in yowr sowle sensyble. 097 The more knowynge of yowr selff passyble, 098 ŝe more veryly 3e xall God knowe. 099 ANIMA. O soueren Auctoure most credyble, 100 Yowr lessun I attende, as I owe, 101 I ŝat represent here ŝe sowll of man. 102 Wat ys a sowll, wyll 3e declare? 103 WYSDOM. Yt ys ŝe ymage of Gode ŝat all began; 104 And not only ymage, but hys lyknes 3e are. 105 Off all creaturys ŝe fayrest 3e ware 106 Into ŝe tyme of Adamys offence. 107 ANIMA. Lorde, sythe we thy sowlys yet nowt wer ŝer, 108 Wy of ŝe fyrst man bye we ŝe vyolence? 109 WYSDOM. For euery creature ŝat hath ben or xall 110 Was in natur of ŝe fyrst man, Adame, 111 Off hym takynge ŝe fylthe of synne orygynall, 112 For of hym all greaturys cam. 113 Than by hym of reson 3e haue blame 114 And be made of brondys of helle. 115 Wen 3e be bore fyrst of yowr dame, 116 3e may in no wyse in hewyn dwell, 117 For 3e be dysvyguryde be hys synne, 118 Ande dammyde to derknes from Godys syghte. 119 ANIMA. How dothe grace ŝan ageyn begynne? 120 Wat reformythe ŝe sowll to hys fyrst lyght? 121 WYSDOM. Wysdam, ŝat was Gode and man ryght, 122 Made a full sethe to ŝe Fadyr of hewyn 123 By ŝe dredfull dethe of hym was dyght, 124 Off whyche dethe spronge ŝe sacramentys sevyn, 125 Wyche sacramentys all synne wasche awey: 126 Fyrst, baptem clensythe synne orygynall 127 And reformyt ŝe sowll in feythe verray 128 To ŝe gloryus lyknes of Gode eternall 129 Ande makyt yt as fayer and as celestyall 130 As yt neuer dyffowlyde had be, 131 Ande ys Crystys own specyall, 132 Hys restynge place, hs plesant see. 133 ANIMA. In a sowll watt thyngys be 134 By wyche he hathe hys very knowynge? 135 WYSDOM. Tweyn partyes: ŝe on, sensualyte, 136 Wyche ys clepyde ŝe flechly felynge. 137 The fyve owtewarde wyttys to hym be serwynge. 138 Wan ŝey be not rewlyde ordynatly 139 The sensualyte ŝan, wythowte lesynge, 140 Ys made ŝe ymage of synne then of hys foly. 141 The other parte, ŝat ys clepyde resone, 142 Ande ŝat ys ŝe ymage of God propyrly, 143 For by ŝat ŝe sowll of Gode hathe cognycyon 144 And be ŝat hym serwyt and louevyt duly. 145 Be ŝe neyther parte of reson he knowyt dyscretly 146 All erthely thynges how ŝey xall be vsyde, 147 Wat suffysyth to hys myghtys bodely, 148 Ande wat nedyt not to be refusyde. 149 Thes tweyn do sygnyfye 150 Yowr dysgysynge and yowr aray, 151 Blake and wyght, fowll and fayer vereyly, 152 Euery sowll here, ŝis ys no nay, 153 Blake by sterynge of synne ŝat cummyth all-day, 154 Wyche felynge cummythe of sensualyte, 155 Ande wyght by knowenge of reson veray 156 Off ŝe blyssyde infenyt Deyte. 157 Thus a sowle ys bothe fowlle and fayer: 158 Fowll as a best be felynge of synne, 159 Fayer as a angell, of hewyn ŝe ayer, 160 By knowynge of Gode by hys reson wythin. 161 ANIMA. Than may I sey thus and begynne 162 Wyth fyve prudent vyrgyns of my reme-- 163 Thow be ŝe fyve wyttys of my sowll wythinne--: 164 "Nigra sum sed formosa, filia Jerusalem." 164a Her enteryd fyve vyrgynes in white kertyllys and mantelys, 164b wyth cheuelers and chappelettys, and synge "Nigra sum sed for- 164c mosa, filia Jerusalem, sicut tabernacula cedar et sicut pelles Sala- 164d monis." 165 ANIMA. The doughters of Jerusalem me not lake 166 For ŝis dyrke schadow I bere of humanyte, 167 That as ŝe tabernacull of cedar wythowt yt ys blake 168 Ande wythine as ŝe skyn of Salamone full of bewty. 169 "Quod fusca sum, nolite considerare me, 170 Quia decolorauit me sol Jouis." 171 WYSDOM. Thus all ŝe sowlys ŝat in ŝis lyff be 172 Stondynge in grace be lyke to thys. 173 A, quinque prudentes, yowr wyttys fyve 174 Kepe yow clene and 3e xall neuer deface, 175 Ye Godys ymage neuer xall ryve, 176 For ŝe clene sowll ys Godys restynge place. 177 Thre myghtys euery Cresten sowll has, 178 Wyche bethe applyede to ŝe Trinyte. 179 MYNDE. All thre here, lo, byfor yowr face! 179a Mynde. 179b WYLL. Wyll. 180 WNDYRSTONDYNGE. Ande Vndyrstondynge, we thre. 181 WYSDAM. 3e thre, declare ŝan thys, 182 Yowr syngnyfycacyon and yowr propyrte. 183 MENDE. I am Mynde, ŝat in ŝe sowle ys 184 The veray fygure of ŝe Deyte. 185 Wen in myselff I haue mynde and se 186 The benefyttys of Gode and hys worthynes, 187 How holl I was mayde, how fayere, how fre, 188 How gloryus, how jentyll to hys lyknes, 189 Thys insyght bryngyt to my mynde 190 Wat grates I ough to God ageyn 191 ŝat thus hathe ordenyde wythowt ende 192 Me in hys blys euer for to regne. 193 Than myn insuffycyens ys to me peyn 194 That I haue not werof to yelde my dett, 195 Thynkynge myselff creature most veyn; 196 Than for sorow my bren I knett. 197 Wen in my mynde I brynge togedyr 198 ŝe yerys and dayes of my synfullnes, 199 The vnstabullnes of my mynde hedyr and thedyr, 200 My oreble fallynge and freellnes, 201 Myselff ryght nought than I confes, 202 For by myselff I may not ryse 203 Wythowt specyall grace of Godys goodnes. 204 Thus mynde makyt me myselff to dyspyse. 205 I seke and fynde nowere comforte 206 But only in Gode, my Creator. 207 Than onto hym I do resorte 208 Ande say, "Haue mynde of me, my Sauowr!" 209 Thus mynde to mynde bryngyth ŝat fawowre; 210 Thus, by mynde of me, Gode I kan know. 211 Goode mynde of Gode yt ys ŝe fygure; 212 Ande thys mynde to haue all Crysten ow. 213 WYLL. And I of ŝe soull am ŝe Wyll, 214 Off ŝe Godhede lyknes and fygure. 215 Wyth goode wyll no man may spyll 216 Nor wythowt goode wyll of blys be sure. 217 Wat soule wyll gret mede recure, 218 He must grett wyll haue, in thought or dede, 219 Wertuusly sett wyth consyens pure, 220 For in wyll stondyt only mannys dede. 221 Wyll for dede oft ys take; 222 Therfor ŝe wyll must weell be dysposyde. 223 Than ŝer begynnyt all grace to wake, 224 Yff wyth synne yt be not anosyde. 225 Therfor ŝe wyll must be wele apposyde 226 Or ŝat yt to ŝe mevynge yewe consent: 227 The lybrary of reson must be wnclosyde 228 Ande aftyr hys domys to take entent. 229 Owr wyll in Gode must be only sett 230 And for Gode to do wylfully. 231 Wan gode wyll resythe, Gode ys in ws knett, 232 Ande he performyt ŝe dede veryly. 233 Off hym cummyth all wyll sett perfyghtly, 234 For of owrselff we haue ryght nought 235 But syne, wrechydnes, and foly. 236 He ys begynner and gronde of wyll and thought. 237 Than ŝis goode wyll seyde before 238 Ys behoueable to yche creature 239 Iff he cast hym to restore 240 The soule ŝat he hath take of cure, 241 Wyche of God ys ŝe fygure, 242 As longe as ŝe fygure ys kept fayer, 243 Ande ordenyde euer for to endure 244 In blys, of wyche ys he ŝe veray hayer. 245 WNDYRSTONDYNGE. The thyrde parte of the soule ys Wndyrstondynge, 246 For by wndyrsyondyng I beholde wat Gode ys, 247 In hymselff begynnyng wythowt begynnynge 248 Ande ende wythout ende ŝat xall neuer mys. 249 In comprehensyble in hymself he ys; 250 Hys werkys in me I kan not comprehende. 251 How xuld I holly hym ŝan ŝat wrought all ŝis? 252 Thus by knowynge of me to knowynge of Gode I assende. 253 I know in angelys he ys desyderable, 254 For hym to beholde ŝei dysyer souerenly; 255 In hys seyntys most dylectable, 256 For in hymm ŝei joy assyduly; 257 In creaturys hys werkys ben most wondyrly, 258 For all ys made by hys myght, 259 By hys wysdom gouernyde most souerenly, 260 And hys benygnyte inspyryt all soullys wyth lyght. 261 Off all creaturys he ys lowyde souereyn, 262 For he ys Gode of yche creature, 263 And ŝey be his peple ŝat euer xall reynge, 264 In wom he dwellyt as hys tempull sure. 265 Wan I of thys knowynge make reporture 266 Ande se ŝe loue he hathe for me wrought, 267 Yt bryngyt me to loue ŝat Prynce most pure, 268 For, for loue, ŝat Lorde made a man of nought. 269 Thys ys ŝat loue wyche ys clepyde charyte, 270 For Gode ys charyte, as awtors tellys, 271 Ande woo ys charyte, in Gode dwellyt he, 272 Ande Gode, ŝat ys charyte, in hym dwellys. 273 Thus wndyrstondynge of Gode compellys 274 To cum to charyte; than haue hys lyknes, lo! 275 Blyssyde ys ŝat sowll ŝat ŝis speche spellys: 276 "Et qui creauit me requieuit in tabernaculo meo." 277 WYSDOM. Lo, thes thre myghtys in on Soule be: 278 Mynde, Wyll, and Wndyrstondynge. 279 By Mynde of Gode ŝe Fadyr knowyng haue ye; 280 By Wndyrstondynge of Gode ŝe Sone ye haue knowynge; 281 By Wyll, wyche turnyt into loue brennynge, 282 Gode ŝe Holy Gost, ŝat clepyde ys lowe: 283 Not thre Godys but on Gode in beynge. 284 Thus eche clene soule ys symylytude of Gode abowe. 285 By Mynde feythe in ŝe Father haue we, 286 Hoppe in owr Lorde Jhesu by Wndyrstondynge, 287 Ande be Wyll in ŝe Holy Gost charyte: 288 Lo, thes thre pryncypall wertus of yow thre sprynge. 289 Thys ŝe clene soule stondyth as a kynge; 290 Ande abowe all ŝis 3e haue free wyll; 291 Off ŝat be ware befor all thynge, 292 For yff ŝat perverte, all ŝis dothe spyll. 293 Ye haue thre enmyes; of hem be ware: 294 The Worlde, ŝe Flesche, and ŝe Fende. 295 Yowr fywe wyttys from hem 3e spare, 296 That ŝe sensualyte ŝey brynge not yow byhynde. 297 Nothynge xulde offende Gode in no kynde; 298 Ande yff ŝer do, se ŝat ŝe nether parte of resone 299 In no wys ŝerto lende; 300 Than ŝe ouer parte xall haue fre domynacyon. 301 Wan suggestyon to ŝe Mynde dothe apere, 302 Wndyrstondynge, delyght not 3e ŝerin; 303 Consent not, Wyll, yll lessons to lere, 304 Ande than suche steryngys be no syn. 305 Thei do but purge ŝe soule wer ys suche contrauersye. 306 Thus in me, Wysdom, yowr werkys begynne. 307 Fyght and 3e xall haue ŝe crown of glory, 308 That ys euerlastynge joy, to be parteners ŝerinne. 309 ANIMA. Soueren Lorde, I am bownde to the! 310 Wan I was nought ŝou made me thus gloryus; 311 Wan I perysschede thorow synne ŝou sauyde me; 312 Wen I was in grett perell ŝou kept me, Cristus; 313 Wen I erryde ŝou reducyde me, Jhesus, 314 Wen I was ignorant ŝou tawt me truthe; 315 Wen I synnyde ŝou corecte me thus; 316 Wen I was hewy ŝou comfortede me by ruthe; 317 Wan I stonde in grace ŝou holdyste me ŝat tyde; 318 Wen I fall ŝou reysyst me myghtyly; 319 Wen I go wyll ŝou art my gyde; 320 Wen I cum ŝou reseywyste me most louynly. 321 Thou hast anoyntyde me with ŝe oyll of mercy; 322 Thy benefyttys, Lorde, be innumerable; 323 Werfor lawde endeles to ŝe I crye, 324 Recomendynge me to ŝin endles powre durable. 324a Here in ŝe goynge owt ŝe FYVE WYTTYS synge "Tota pulcra es" 324b et cetera, they goyng befor, ANIMA next, and her folowynge 324c WYSDOM, and aftyr hym MYNDE, WYLL, and WNDYRSYON- 324d DYNGE, all thre in wyght cloth of golde, checeleryde and crestyde 324e in sute. 324f And aftyr ŝe songe entreth LUCYFER in a dewyllys aray wythowt 324g and wythin as a prowde galonte, seynge thus on thys wyse: 325 LUCYFER. Owt, harowe, I rore, 326 For envy I lore 327 My place; to restore 328 God hath mad a man. 329 All cum ŝey not thore, 330 Woode and ŝey wore, 331 I xall tempte hem so sorre, 332 For I am he ŝat syn begane. 333 I was a angell of lyghte; 334 Lucyfeer I hyght, 335 Presumynge in Godys syght, 336 Werfor I am lowest in hell. 337 In reformynge of my place ys dyght 338 Man, whom I haue in most despyght, 339 Euer castynge me wyth hem to fyght; 340 In ŝat hewynly place he xulde not dwell. 341 I am as wyly now as than; 342 ŝe knowynge ŝat I hade, yet I can; 343 I know all compleccyons of a man 344 Werto he ys most dysposyde; 345 Ande ŝerin I tempte ay-whan; 346 I marre hys myndys to ŝer wan, 347 That whoo ys hym ŝat God hym began; 348 Many a holy man wyth me ys mosyde. 349 Of Gode man ys ŝe fygure, 350 Hys symylytude, hys pyctowre, 351 Gloryosest of ony creature 352 ŝat euer was wrought; 353 Whych I wyll dysvygure 354 Be my fals conjecture; 355 Yff he tende my reporture 356 I xall brynge hym to nought. 357 In ŝe soule ben thre partyes iwys: 358 Myde, Wyll, Wndyrstondynge of blys, 359 Fygure of ŝe Godhede, I know well thys; 360 And ŝe flesche of man ŝat ys so changeable 361 That wyll I tempte, as I gees; 362 Thow ŝat I perwert, synne non ys 363 But yff ŝe Soule consent to mys, 364 For in ŝe Wyll of ŝe Soule the dedys ben damnable. 365 To ŝe Mynde of ŝe Soule I xall mak suggestyun, 366 Ande brynge hys Wndyrstondynge to dylectacyon, 367 So ŝat hys Wyll make confyrmacyon; 368 Than am I sekyr inowe 369 That dethe xall sew of damnacyon; 370 Than of ŝe Sowll ŝe Dewll hath dominacyon. 371 I wyll go make hys examynacyon, 372 To all ŝe dewylls of helle I make a vow. 373 For, for to tempte man in my lyknes, 374 Yt wolds brynge hym to grett feerfullnes, 375 I wyll change me into brygthnes, 376 And so hym to begyle, 377 Sen I xall schew hym perfyghtnes 378 And wertu prove yt wykkydnes; 379 Thus wndyr colors all thynge perverse; 380 I xall neuer rest tyll ŝe Soule I defyle. 380a Her LUCYFER dewoydyth and cummyth in ageyn as a goodly 380b galont. 381 MYNDE. My mynde ys euer on Jhesu 382 That enduyde ws wyth wertu 383 Hys doctrine to sue 384 Euer I purpos. 385 WNDYRSTONDYNGE. My wndyrstondynge ys in trew 386 That wyth feyth ws dyd renew. 387 Hys laws to pursew 388 Ys swetter to me ŝan sawowre of ŝe rose. 389 WYLL. And my wyll ys hys wyll veraly 390 That made ws hys creaturys so specyally, 391 Yeldynge onto hym laude and glory 392 for hys goodnes. 393 LUCYFER. Ye fonnyde fathers, founders of foly, 394 Vt quid hic statis tota die ociosi? 395 3e wyll perysche or 3e yt aspye. 396 The Dewyll hath acumberyde yow expres. 397 Mynde, Mynde, ser, haue in mynde thys! 398 MYNDE. He ys not ydyll ŝat wyth Gode ys. 399 LUCYFER. No, ser! I prowe well yis. 400 Thys ys my suggestyun. 401 All thynge hat dew tymes 402 Prayer, fastynge, labour, all thes. 403 Wan tyme ys not kept, ŝat dede ys amys, 404 ŝe more pleynerly to yowr informacyon. 405 Here ys a man ŝat lywyt worldly, 406 Hathe wyffe, chylderne, and serwantys besy, 407 And other chargys ŝat I not specyfye. 408 Ys yt leeffull to ŝis man 409 To lewe hys labour wsyde truly, 410 Hys chargys perysche ŝat Gode gaff duly, 411 Ande yewe hym to preyer and es of body? 412 Woso do thus wyth God ys not than. 413 Mertha plesyde Gode grettly thore. 414 MYNDE. Ye, but Maria plesyde hymm moche more. 415 LUCYFER. Yet ŝe lest hade blys for euermore. 416 Ys not ŝis anow? 417 MYNDE. Contemplatyff lyff ys sett befor. 418 LUCYFER. I may not belewe ŝat in my lore, 419 For God hymselff, wan he was man borre, 420 Wat lyff lede he? Answer ŝou now. 421 Was he euer in contemplacyon? 422 MYNDE. I suppos not, by my relacyon. 423 LUCYFER. And all hys lyff was informacyon 424 Ande example to man. 425 Sumtyme wyth synners he had conversacyon; 426 Sumtyme wyth holy also communycacyon; 427 Sumtyme he laboryde, preyde; sumtyme trybulacyon; 428 Thys was vita mixta ŝat Gode here began; 429 And ŝat lyff xulde ye here sewe. 430 MYNDE. I kan not belewe thys ys trew. 431 LUCYFER. Contemplytyff lyff for to sewe 432 Yt ys grett drede, and se cause why: 433 They must fast, wake, and prey, euer new, 434 Wse harde lywynge and goynge wyth dyscyplyne dew, 435 Kepe sylence, wepe, and surphettys eschewe, 436 Ande yff ŝey fayll of thys ŝey offende Gode hyghly. 437 Wan ŝey haue wastyde by feyntnes, 438 Than febyll ŝer wyttys and fallyn to fondnes, 439 Sum into dyspeyer and sum into madnes. 440 Wet yt well, God ys not plesyde wyth thys. 441 Lewe, lewe, suche syngler besynes. 442 Be in ŝe worlde, vse thyngys nesesse. 443 The comyn ys best expres. 444 Who clymyt hye, hys fall gret ys. 445 MYNDE. Truly, me seme 3e haue reson. 446 LUCYFER. Aplye yow then to ŝis conclusyon. 447 MYNDE. I kan make no replicacyon; 448 Your resons be grete; 449 I kan not forgett ŝis informacyon. 450 LUCYFER. Thynke ŝerwppon, yt ys yowr saluacyon. 451 Now and Wndyrstondynge wolde haue delectacyon, 452 All syngler deuocyons he wolde lett. 453 Yowr fyve wyttys abrode lett sprede. 454 Se how comly to man ys precyus wede; 455 Wat worschype yt ys to be manfull in dede; 456 ŝat bryngyt in dominacyon. 457 Off ŝe symple what profyght yt to tak hede? 458 Beholde how ryches dystroyt nede; 459 It makyt man fayer, hym wele for to fede; 460 And of lust and lykynge commyth generacyon. 461 Wndyrstondynge, tender ye ŝis informacyon. 462 WNDYRSTONDYNGE. In thys I fele in manere of dylectacyon. 463 LUCYFER. A, ha, ser! Then ŝer make a pawsacyon. 464 Se and beholde ŝe worlde abowte. 465 Lytyll thynge suffysyt to saluacyon; 466 All maner synnys dystroyt contryscyon; 467 They ŝat dyspeyer mercy haue grett compunccyon; 468 Gode plesyde best wyth goode wyll, no dowte. 469 Therfor, Wyll, I rede yow inclyne; 470 Lewe yowr stodyes, ŝow ben dywyn; 471 Yowr prayers, yowr penance, of ipocryttys ŝe syne, 472 Ande lede a comun lyff. 473 What synne ys in met, in ale, in wyn? 474 Wat synne ys in ryches, in clothynge fyne? 475 All thynge Gode ordenyde to man to inclyne. 476 Lewe yowr nyse chastyte and take a wyff. 477 Better ys fayer frut ŝan fowll pollucyon. 478 What seyth sensualite to ŝis conclusyon? 479 WYLL. As ŝe fyue wyttys gyff informacyon, 480 Yt semyth yowr resons be goode. 481 LUCYFERE. The Wyll of ŝe Soule hathe fre dominacyon; 482 Dyspute not to moche in ŝis wyth reson; 483 Yet ŝe nethyr parte to ŝis taketh sum instruccyon, 484 And so xulde ŝe ouer parte but he were woode. 485 WYLL. Me seme, as 3e sey, in body and soule, 486 Man may be in ŝe worlde and be ryght goode. 487 LUCYFERE. Ya, ser, by Sent Powle! 488 But trust not ŝes prechors, for ŝey be not goode, 489 For ŝey flatter and lye as ŝey wore woode; 490 Ther ys a wolffe in a lombys skyn. 491 WYLL. Ya, I woll no more row ageyn ŝe floode. 492 I woll sette my soule on a mery pynne. 493 LUCYFER. Be my trowthe, than do ye wyslye. 494 Gode lowyt a clene sowll and a mery. 495 Acorde yow thre togedyr by 496 And ye may not mysfare. 497 MYNDE. To ŝis suggestyon agre we. 498 WNDYRSTONDYNGE. Delyght ŝerin I haue truly. 499 WYLL. And I consent ŝerto frelye. 500 LUCYFER. A, ser, all mery ŝan! Awey, care! 501 Go in ŝe worlde, se ŝat abowte; 502 Geet goode frely, cast no dowte; 503 To ŝe ryche ys se men lowly lought. 504 Yeue to yowr body ŝat ys nede, 505 Ande euer be mery; let reuell rowte! 506 MYNDE. Ya, ellys I beschrew my snowte! 507 WNDYRSTONDYNGE. And yff I care, cache I ŝe gowte! 508 WYLL. And yff I spare, ŝe Dewyll me spede! 509 LUCYFER. Go yowr wey than and do wysly. 510 Change ŝat syde aray. 510a MYNDE. I yt dyfye. 511 WNDYRSTONDYNGE. We woll be fresche, hanip la plu joly! 512 Farwell penance! 513 MYNDE. To worschyppys I wyll my mynde aplye. 514 WNDYRSTONDYNGE. My wndyrstandynge in worschyppys and glory. 515 WYLL. And I in lustys of lechery, 516 As was sumtyme gyse of Frawnce. 517 Wyth wy wyppe, 518 Farwell, quod I, ŝe Dewyll ys wppe! 519 LUCYFER. Off my dysyere now haue I summe 520 Wer onys brought into custume, 521 Then farwell conscyens, he wer clumme, 522 I xulde haue all my wyll. 523 Resone I haue made both deff and dumme; 524 Grace ys owt and put arome; 525 Wethyr I wyll haue, he xall cum. 526 So at ŝe last I xall hym spyll. 527 I xall now stere hys mynde 528 To ŝat syne made me a fende, 529 Pryde, wyche ys ageyn kynde 530 And of synnys hede. 531 So to couetyse he xall wende, 532 For ŝat enduryth to ŝe last ende, 533 And onto lechery, and I may hymm rende; 534 Than am I seker ŝe Soule ys dede. 535 That Soule Gode made incomparable, 536 To hys lyknes most amyable, 537 I xall make yt most reprouable, 538 Ewyn lyke to a fende of hell. 539 At hys deth I xall apere informable, 540 Schewynge hym all hys synnys abhomynable, 541 Prewynge hys Soule damnable, 542 So wyth dyspeyer I xall hym qwell. 543 Wyll clennes ys mankyn, 544 Verely, ŝe soule God ys wythin; 545 Ande wen yt ys in dedly synne, 546 Yt ys werely ŝe Deuelys place. 547 Thus by colours and false gynne 548 Many a soule to hell I wyn. 549 Wyde to go I may not blyne 550 Wyth ŝis fals boy, God gyff hym euell grace! 550a Her he takyt a schrewde boy wyth hym and goth hys wey 550b cryenge. 551 MYNDE. Lo, me here in a new aray! 552 Wyppe, wyrre, care awey! 553 Farwell perfeccyon! 554 Me semyt myselff most lyghly ay. 555 It ys but honest, no pryde, no nay. 556 I wyll be freshest, by my fay, 557 For ŝat accordyt wyth my complexyon. 558 WNDYRSTONDYNGE. Ande haue here one as fresche as yow! 559 All mery, mery, and glade now. 560 I haue get goode, God wott how. 561 For joy I sprynge, I sckyppe. 562 Goode makyt on mery, to Gode a vowe. 563 Farewell, consyens, I know not yow! 564 I am at eas, hade I inow. 565 Truthe on syde I lett hym slyppe. 566 WYLL. Lo, here on as jolye as 3e! 567 I am so lykynge, me seme I fle. 568 I haue atastyde lust: farwell chastyte! 569 My hert ys euermore lyght. 570 I am full of felycyte. 571 My delyght ys all in bewte. 572 ŝer ys no joy but ŝat in me. 573 A woman me semyth a hewynly syght. 574 MYNDE. Ande thes ben my syngler solace: 575 Kynde, fortune, and grace. 576 Kynde nobley of kynrede me yewyn hase, 577 And ŝat makyt me soleyn. 578 Fortune in worldys worschyppe me doth lace. 579 Grace yewyt curryus eloquens, and ŝat mase 580 That all oncunnynge I dysdeyn. 581 WNDYRSTONDYNGE. And my joy ys especyall 582 To hurde wppe ryches, for fer to fall, 583 To se yt, to handyll yt, to tell yt all, 584 And streight to spare. 585 To be holde ryche and reyall 586 I bost, I avawnt wer I xall. 587 Ryches makyt a man equall 588 To hem sumtyme hys souereyngys wer. 589 WYLL. To me ys joy most laudable 590 Fresche dysgysynge to seme amyable, 591 Spekynge wordys delectable 592 Perteynynge onto loue. 593 It ys joy of joys inestymable 594 To halse, to kys ŝe affyble. 595 A louer ys son perceyvable 596 Be ŝe smylynge on me, wan yt doth remove. 597 MYNDE. To avaunte thus me semyth no schame, 598 For galontys now be in most fame. 599 Curtely personys men hem proclame. 600 Moche we be sett bye. 601 WNDYRSTONDYNGE. The ryche covetouse wo dare blame, 602 Off govell and symony thow he bere ŝe name? 603 To be fals, men report yt game; 604 Yt ys clepyde wysdom; "Ware ŝat!" quod Ser Wyly. 605 WYLL. And of lechory to make avawnte 606 Men fors yt no more ŝan drynke atawnt. 607 Thes thyngys be now so conversant, 608 We seme yt no schame. 609 MYNDE. Curyous aray I wyll euer hante. 610 WNDYRSTONDYNGE. Ande I falsnes, to be passante. 611 WYLL. And I in lust my flesche to daunte. 612 No man dyspyes thes; ŝey be but game. 613 MYNDE. I rejoys of thes; now let ws synge! 614 WNDYRSTONDYNGE. And yff I spar, ewell joy me wrynge! 615 WYLL. Haue at, quod I, lo, howe I sprynge! 616 Lust makyth me wondyr wylde. 617 MYNDE. A tenowr to yow bothe I brynge. 618 WNDYRSTONDYNGE. And I a mene for ony kynge. 619 WYLL. And but a trebull I owtwrynge, 620 The Deuell hym spede ŝat myrthe exyled! 620a Et cantent 621 MYNDE. How be ŝis? Trow ye nowe? 622 WNDYRSTONDYNGE. At ŝe best, to God a vowe. 623 WYLL. As mery as ŝe byrde on bow, 624 I take no thought. 625 MYNDE. The welfare of ŝis worlde ys in ws, I ma vowe. 626 WNDYRSTONDYNGE. Lett eche man tell hys condycyons howe. 627 WYLL. Begynne ye, ande haue at yow, 628 For I am aschamyde of ryght nought. 629 MYNDE. Thys ys a cause of my worschyppe: 630 I serue myghty lordeschyppe 631 Ande am in grett tenderschyppe; 632 Therfor moche folke me dredys. 633 Men sew to my frendeschyppe 634 For meyntnance of her schendeschyppe. 635 I support hem by lordeschyppe. 636 For to get goode ŝis a grett spede ys. 637 WNDYRSTONDYNGE. And I vse jorowry, 638 Enbrace questys of perjury, 639 Choppe and chonge wyth symonye, 640 And take large yeftys. 641 Be ŝe cause neuer so try, 642 I preue yt fals, I swere, I lye, 643 Wyth a quest of myn affye. 644 The redy wey ŝis now to thryfte ys. 645 WYLL. And wat trow 3e be me? 646 More ŝan I take spende I threys thre 647 Sumtyme I yeff, sumtyme ŝey me, 648 Ande am euer fresche and gay. 649 Few placys now ŝer be 650 But onclennes we xall ŝer see; 651 It ys holde but a nysyte 652 Lust ys now comun as ŝe way. 653 MYNDE. Law procedyth not for meyntnance. 654 WNDYRSTONDYNGE. Trowthe recuryth not for habundance. 655 WYLL. And lust ys in so grett vsance, 656 We fors yt nought. 657 MYNDE. In vs ŝe worlde hathe most affyance. 658 WNDYRSTONDYNGE. Non thre be in so grett aqweynttance. 659 WYLL. Few ŝer be outhe of owr allyance. 660 Wyll ŝe worlde ys thus, take we no thought! 661 MYNDE. Thought! nay, ŝerageyn stryve I. 662 WNDYRSTONDYNGE. We haue ŝat nedyt vs, so thryve I. 663 WYLL. And yff ŝat I care, neuer wyue I. 664 Let them care ŝat hathe for to sewe! 665 MYNDE. Wo lordschyppe xall sew must yt bye. 666 WNDYRSTONDYNGE. Wo wyll haue law must haue monye. 667 WYLL. Ther pouert ys ŝe malewrye, 668 Thow ryght be, he xall neuer renewe. 669 MYNDE. Wronge ys born wpe boldly, 670 Thow all ŝe worlde know yt opynly, 671 Mayntnance ys now so myghty, 672 Ande all for mede. 673 WNDYRSTONDYNGE. The law ys so coloryde falsly 674 By sleyttys and by perjury, 675 Brybys be so gredy, 676 ŝat to ŝe pore trowth ys take ryght nought a hede. 677 WYLL. Wo gett or loose, ye be ay wynnande. 678 Mayntnance and perjury now stande. 679 Thei wer neuer so moche reynande 680 Seth Gode was bore. 681 MYNDE. Ande lechery was neuer more vsande 682 Off lernyde and lewyde in ŝys lande. 683 WNDYRSTONDYNGE. So we thre be now in hande. 684 WYLL. Ya, and most vsyde euerywere! 685 MYNDE. Now wyll we thre do make a dance 686 Off thow ŝat longe to owr retenance, 687 Cummynge in by contenance. 688 ŝis were a dysporte. 689 WNDYRSTONDYNGE. Therto I geve acordance 690 Off thow ŝat ben of myn affyance. 691 WYLL. Let se betyme ŝe meyntnance. 692 Clepe in fyrst yowr resorte. 692a Here entur six dysgysyde in ŝe sute of MYNDE, wyth rede 692b berdys, and lyouns rampaunt on here crestys, and yche a warder 692c in hys honde; her mynstrallys, trumpes. Eche answere for hys 692d name. 693 MYNDE. Let se; cum in, Indignacyon and Sturdynes, 694 Males also and Hastynes, 695 Wreche and Dyscorde expres, 696 And ŝe sevente am I, Mayntenance. 697 Seven ys a numbyr of dyscorde and imperfyghtnes. 698 Lo, here ys a yomandrye wyth loweday to dres! 699 And ŝe Deule hade swore yt, ŝey wolde ber wp falsnes 700 Ande maynten yt at ŝe best. ŝis ys ŝe Deullys dance. 701 Ande here menstreyllys be convenyent, 702 For trumpys xulde blow to ŝe jugement; 703 Off batell also yt ys on instrumente, 704 Yevynge comfort to fyght. 705 Therfor ŝey be expedyente 706 To ŝes meny of meyntement. 707 Blow! lett see Madam Regent, 708 Ande daunce, ye laddys! Yowr hertys be lyght! 709 Lo, ŝat other spare, thes meny wyll spende. 710 WNDYRSTONDYNGE. Ya, wo ys hym xall hem offende! 711 WYLL. Wo wyll not to hem condescende, 712 He xall haue threttys. 713 MYNDE. They spyll ŝat law wolde amende. 714 WNDYRSTONDYNGE. Yit mayntnance no man dare reprehende. 715 WYLL. Thes meny thre synnys comprehende: 716 Pryde, Invy, and Wrathe in hys hettys. 717 WNDYRSTONDYNGE. Now wyll I than begyn my traces. 718 Jorowrs in on hoode beer to facys. 719 Fayer speche and falsehede in on space ys. 720 Is it not ruthe? 721 The quest of Holborn cum into ŝis placys. 722 Ageyn ŝe ryght euer ŝey rechases. 723 Off wom ŝey holde not, harde hys grace ys. 724 Many a tyme haue dammyde truthe. 724a Here entrethe six jurours in a sute, gownyde, wyth hodys abowt 724b her nekys, hattys of meyntenance ŝervpon, vyseryde dyuersly; 724c here mynstrell, a bagpype. 725 WNDYRSTONDYNGE. Let se; fyrst, Wronge and Sleyght; 726 Dobullnes and Falsnes, schew yowr myght; 727 Now Raveyn and Dyscheyit; 728 Now holde yow here togydyr. 729 Thys menys consyens ys so streytt 730 That ŝey report as mede yewyt beyght. 731 Here ys ŝe quest of Holborn, an euyll entyrecte. 732 They daunce all ŝe londe hydyr and thedyr, 733 And I, Perjury, yowr fownder. 734 Now dance on, ws all! The worlde doth on ws wondyr. 735 Lo, here ys a menye loue wellfare. 736 MYNDE. Ye, ŝey spende ŝat tru men spare. 737 WYll. Haue ŝey a brybe, haue ŝey no care 738 Wo hath wronge or ryght. 739 MYNDE. They fors not to swere and starre. 740 WYLL. Though all be false, les and mare. 741 WNDYRSTONDYNGE. Wyche wey to ŝe woode wyll ŝe hare 742 They knewe, and ŝey at rest sett als tyghte. 743 Some seme hem wyse 744 For ŝe fadyr of vs, Covetyse. 745 WYLL. Now Meyntnance and Perjury 746 Hathe schewyde ŝe trace of her cumpeny, 747 Ye xall se a sprynge of Lechery, 748 ŝat to me attende. 749 Here forme ys of ŝe stewys clene rebaldry. 750 They wene sey sothe wen ŝat ŝey lye. 751 Off ŝe comyn ŝey synge eche wyke by and by. 752 They may sey wyth tenker, I trow, "Lat amende." 752a Here entreth six women in sut, thre dysgysyde as galontys and 752b thre as matrones, wyth wondyrfull vysurs congruent; here myn- 752c strell, a hornepype. 753 WYLL. Cum slepers, Rekleshede and Idyllnes, 754 All in all, Surfet and Gredynes, 755 For ŝe flesche, Spousebreche and Mastres, 756 Wyth jentyll Fornycacyon. 757 Yowr mynstrell a hornepype mete 758 ŝat fowll ys in hymselff but to ŝe erys swete. 759 Thre fortherers of loue; "Hem schrew I!" quod Bete. 760 Thys dance of ŝis damesellys ys thorow ŝis regyn. 761 MYNDE. Ye may not endure wythowt my meyntenance. 762 WNDYRSTONDYNGE. That ys bought wyth a brybe of owr substance. 763 WYLL. Whow, breydest ŝou vs of ŝin aqueyntance? 764 I sett ŝe at nought! 765 MYNDE. On ŝat worde I woll tak vengeaunce. 766 Wer vycys be gederyde, euer ys sum myschance. 767 Hurle hens thes harlottys! Here gyse ys of France. 768 ŝey xall abey bytterly, by hym ŝat all wrought! 769 WNDYRSTONDYNGE. Ill spede ŝe ande ŝou spare! 770 ŝi longe body bare 771 To bett I not spare. 772 Haue the ageyn! 773 WYLL. Holde me not! Let me go! Ware! 774 I dynge, I dasche! ŝer, go ther! 775 Dompe deuys, can ye not dare? 776 I tell yow, outwarde, on and tweyn! 776a Exient 777 MYNDE. Now I schrew yow thus dansaunde! 778 WNDYRSTONDYNGE. Ye, and ewyll be ŝou thryvande! 779 WYLL. No more let vs be stryvande. 780 Now all at on! 781 MYNDE. Here was a meny onthryvande. 782 WNDYRSTONDYNGE. To ŝe Deull ŝey drywande. 783 WYLL. He ŝat ys yll wywande, 784 Wo hys hym, by ŝe bon! 785 MYNDE. Leue then ŝis dalyance 786 Ande set we ordenance 787 Off better chevesaunce 788 How we may thryve. 789 WNDYRSTONDYNGE. At Westmyster, wythowt varyance, 790 ŝe nex terme xall me sore avawnce, 791 For retornys, for enbraces, for recordaunce. 792 Lyghtlyer to get goode kan no man on lyue. 793 MYNDE. Ande at ŝe parvyse I wyll be 794 A Powlys betwyn to ande thre, 795 Wyth a menye folowynge me, 796 Entret, juge-partynge, and to-supporte. 797 WYLL. Ande euer ŝe latter, ŝe leuer me. 798 Wen I com lat to ŝe cyte 799 I walke all lanys and weys to myn affynyte; 800 And I spede not ŝer, to ŝe stews I resort. 801 MYNDE. Ther gettys ŝou nouhte, but spendys. 802 WYLL. Yis, sumtyme I take amendys 803 Off hem ŝat nought offendys, 804 I engrose vpe here purs. 805 MYNDE. And I arest ŝer no drede ys, 806 Preve forfett ŝer no mede ys, 807 And take to me ŝat nede ys, 808 I reke not thow ŝey curs. 809 WNDYRSTONDYNGE. Thow ŝey curs, never ŝe wers I fare. 810 Thys day I endyght them I herde of neuer are; 811 To-morow I wyll aqwyt them, yff nede were. 812 Thys lede I my lyff. 813 WYLL. Ye, but of vs thre I haue lest care. 814 Met and drynke and ease, I aske no mare, 815 Ande a praty wenche, to se here bare; 816 I reke but lytyll be sche mayde or wyffe. 817 MYNDE. Thys on a soper 818 I wyll be seen rycher, 819 Set a noble wyth goode chere 820 Redyly to spende. 821 WNDYRSTONDYNGE. And I tweyn, be ŝis feer, 822 To moque at a goode dyner. 823 I hoope of a goode yer, 824 For euer I trost Gode wyll send. 825 WYLL. And best we haue wyne, 826 And a cosyn of myn 827 Wyth ws for to dyne. 828 Thre nobles wyll I spend frely. 829 MYNDE. We xall acorde well and fyne. 830 WNDYRSTONDYNGE. Nay, I wyll not passe schylyngys nyne. 831 WYLL. No, ŝou was neuer but a swyn. 832 I woll be holdyn jentyll, by Sent Audre of Ely. 833 Ande now in my mynde I haue 834 My cosyn Jenet N., so Gode me save; 835 Sche mornyth wyth a chorle, a very knaue, 836 And neuer kan be mery. 837 I pley me ŝer wen I lyst rawe; 838 Than ŝe chorle wyll here dysprawe. 839 Who myght make hym thys to lawe, 840 I wolde onys haue hym in ŝe wyrry. 841 MYNDE. For thys I kan a remedye: 842 I xall rebuk hym thus so dyspytuusly 843 ŝat of hys lyff he xall wery 844 And qwak for very fere. 845 Ande yff he wyll not leve ŝerby, 846 On hys bodye he xall abye 847 Tyll he leue ŝat jelousy. 848 Nay, suche chorlys I kan lere. 849 WNDYRSTONDYNGE. Nay, I kan better hym qwytte: 850 Arest hym fyrst to pes for fyght, 851 Than in another schere hym endyght, 852 He ne xall wete by wom ne howe. 853 Haue hym in ŝe Marschalsi seyn aryght, 854 Than to ŝe Amralte, for ŝey wyll byght, 855 A preuenire facias than haue as tyght, 856 And ŝou xalt hurle hym so ŝat he xall haue inow. 857 WYLL. Wat and ŝes wrongys be espyede? 858 WNDYRSTONDYNGE. Wyth ŝe crose and ŝe pyll I xall wrye yt 859 That ŝer xall neuer man dyscrey yt 860 ŝat may me appeyere. 861 MYNDE. Ther ys no craft but we may trye yt. 862 WNDYRSTONDYNGE. Mede stoppyt, be yt neuer so allyede. 863 WYLL. Wyth yow tweyn wo ys replyede, 864 He may sey he hathe a schrewde seyer. 865 MYNDE. Thow woldyst haue wondyr of sleyghtys ŝat be. 866 WNDYRSTONDYNGE. Thys make sume ryche and summe neuer the. 867 WYLL. ŝey must nedys grett goodys gett ŝe. 868 Now go we to ŝe wyne! 869 MYNDE. In trewŝe I grante; haue at wyth ŝe! 870 WNDYRSTONDYNGE. Ande for a peny or to, I wyll not fle. 871 WYSDOM. Mery, mery, all mery ŝan be we! 872 Who ŝat ws tarythe, curs haue he amd myn! 873 WYSDOM. O thou Mynde, remembyr the! 874 Turne ŝi weys, ŝou gost amyse. 875 Se what ŝi ende ys, ŝou myght not fle: 876 Dethe to euery creature certen ys. 877 They ŝat lyue well, ŝey xall haue blys; 878 Thay ŝat endyn yll, ŝey goo to hell. 879 I am Wysdom, sent to tell yow thys: 880 Se in what stat ŝou doyst indwell. 881 MYNDE. To my mynde yt cummyth from farre 882 That dowtles man xall dey. 883 Ande thes weys we go, we erre. 884 Wndyrstondynge, wat do ye sey? 885 WNDYRSTONDYNGE. I sey, man, holde forthe ŝi wey! 886 The lyff we lede ys sekyr ynowe. 887 I wyll no wndyrstandynge xall lett my pley. 888 Wyll, frende, how seyst thowe? 889 WYLL. I wyll not thynke ŝeron, to Gode a vowe! 890 We be yit but tender of age. 891 Schulde we leve ŝis lyue? Ya, whowe? 892 We may amende wen we be sage. 893 WYSDOM. Thus many on vnabylythe hym to grace. 894 They wyll not loke, but slumber and wynke. 895 ŝey take not drede before ŝer face, 896 Howe horryble ŝer synnys stynke. 897 Wen they be on ŝe pyttys brynke, 898 Than xall ŝey trymbull and qwake for drede. 899 Yit Mynde, I sey, yow bethynke 900 In what perell ye be now! Take hede! 901 Se howe ye haue dysvyguryde yowr soule! 902 Beholde yowrselff; loke veryly in mynde! 902a Here ANIMA apperythe in ŝe most horrybull wyse, fowlere ŝan 902b a fende. 903 MYNDE. Out! I tremble for drede, by Sent Powle! 904 Thys ys fowler ŝan ony fende. 905 WYSDOM. Wy art ŝou creature so onkynde, 906 Thus to defoule Godys own place, 907 ŝat was made so gloryus wythowt ende? 908 Thou hast made ŝe Deullys rechace. 909 As many dedly synnys as ye haue vsyde, 910 So many deullys in yowr soule be. 911 Beholde wat ys ŝerin reclusyde! 912 Alas, man, of ŝi Soule haue pyte! 912a Here rennyt owt from wndyr ŝe horrybyll mantyll of ŝe SOULL 912b seven small boys in ŝe lyknes of dewyllys and so retorne ageyn. 913 WYSDAM. What haue I do? Why lowyste ŝou not me? 914 Why cherysyste ŝi enmye? Why hatyst ŝou ŝi frende? 915 Myght I haue don ony more for ŝe? 916 But loue may brynge drede to mynde. 917 ŝou hast made the a bronde of hell 918 Whom I made ŝe ymage og lyght. 919 Yff ŝe Deull myght, he wolde ŝe qwell, 920 But ŝat mercy expellyt hys myght. 921 Wy doyst ŝou, Soule, me all dyspyght? 922 Why yewyst ŝou myn enmy ŝat I haue wrought? 923 Why werkyst ŝou hys consell? by myn settys lyght? 924 Why hatyst ŝou vertu? why louyst ŝat ys nought? 925 MYNDE. A, lorde! Now I brynge to mynde 926 My horryble synnys and myn offens, 927 I se how I haue defowlyde ŝe noble kynde 928 ŝat was lyke to ŝe by intellygens. 929 Wndyrstondynge, I schew to your presens 930 Owr lyff wyche ŝat ys most synfull. 931 Sek yow remedye, do yowr dylygens 932 To clense ŝe Soull wyche ys ŝis fowll. 933 WNDYRSTONDYNGE. Be yow, Mynde, I haue very knowenge 934 That grettly Gode we haue offendyde, 935 Endles peyn worthyi be owr dysyrvynge, 936 Wyche be owrselff neuer may be amendyde 937 Wythowt Gode, in whom all ys comprehendyde. 938 Therfor to hym let vs resort. 939 He lefte vp them ŝat be descendyde. 940 He ys resurreccyon and lywe; to hem, Wyll, resort. 941 WYLL. My wyll was full yowe to syne, 942 By wyche ŝe Soule ys so abhomynable. 943 I wyll retorne to Gode and new begynne 944 Ande in hym gronde my wyll stable, 945 ŝat of hys mercy he wyll me able 946 To haue ŝe yiffte of hys specyall grace, 947 How hys seke Soule may be recurable 948 At ŝe jugment before hys face. 949 ANIMA. Than wyth yow thre ŝe Soule dothe crye, 950 "Mercy, Gode!" Why change I nowte, 951 I ŝat thus horryble in synne lye, 952 Sythe Mynde, Wyll, and Wndyrstondynge be brought 953 To haue knowynge ŝey ill wrought? 954 What ys ŝat xall make me clene? 955 Put yt, Lorde, into my thowte! 956 Thi olde mercy let me remene. 957 WYSDOM. Thow ŝe Soule mynde take 958 And wndyrstandynge of hys synnys allwey, 959 Beynge in wyll, yt forsake, 960 Yit thes do not only synnys awey, 961 But very contrycyon, who ŝat haue may, 962 ŝat ys purger and clenser of synne. 963 A tere of ŝe ey, wyth sorow veray, 964 ŝat rubbyt and waschyt ŝe Soule wythin. 965 All ŝe penance ŝat may be wrought, 966 Ne all ŝe preyer ŝat seyde be kan, 967 Wythowt sorowe of hert relesyt nought; 968 That in especyall reformyth man 969 Ande makyt hym as clene as when he begane. 970 Go seke ŝis medsyne, Soull! ŝat beseke 971 Wyth veray feythe, and be ye sekyr than 972 The vengeaunce of Gode ys made full meke. 973 By wndyrstandynge haue very contrycyon, 974 Wyth mynde of your synne confessyon make, 975 Wyth wyll yeldynge du satysfaccyon; 976 ŝan yowr soule be clene, I wndyrtake. 977 ANIMA. I wepe for sorow, Lorde! I begyn awake, 978 I that ŝis longe hath slumberyde in syne. 978a Hic recedunt demones. 979 WYSDOM. Lo, how contrycyon avoydyth ŝe deullys blake! 980 Dedly synne ys non yow wythin. 981 For Gode ye haue offendyde hyghly 982 Ande yowr modyr, Holy Chyrche so mylde, 983 ŝerfor Gode ye must aske mercy, 984 By Holy Chyrch to be reconsylyde, 985 Trustynge verely ye xall neuer be revylyde 986 Yff ye haue yowr charter of pardon by confessyon. 987 Now haue ye foryeffnes ŝat were fylyde. 988 Go prey yowr modyr Chyrche of her proteccyon. 989 ANIMA. O Fadyr of mercy ande of comfort, 990 Wyth wepynge ey and hert contryte 991 To owr modyr, Holy Chyrche, I wyll resort, 992 My lyff pleyn schewenge to here syght. 993 Wyth Mynde, Vndyrstondynge, and Wyll ryght, 994 Wyche of my Sowll ŝe partyes be, 995 To ŝe domys of ŝe Chyrche we xall vs dyght, 996 Wyth veray contricyon thus compleynnyng we. 996a Here ŝey go owt, and in ŝe goynge ŝe SOULE syngeth in ŝe 996b most lamentabull wyse, wyth drawte notys as yt ys songyn in 996c ŝe passyon wyke: 996d ANIMA. Magna velud mare contricio, contricio tua: quis consoletur 996e tui? Plorans plorauit in nocte, et lacrime ejus in maxillis ejus. 997 WYSDOM. Thus seth Gode mankynde tyll 998 The nyne poyntys ples hym all other before. 999 "Gyff a peny in thy lyve wyth goode wyll 1000 To ŝe pore, and ŝat plesythe Gode more 1001 ŝan mowyntenys into golde tramposyde wore 1002 And aftyr thy dethe for the dysposyde." 1003 Ande all ŝe goodys ŝou hast in store 1004 Xulde not profyght so moche wan ŝi body ys closyde. 1005 The secunde poynt, Gode sethe thus: 1006 "Wepe on tere for my loue hertyly, 1007 Or for ŝe passyon of me, Jhesus, 1008 Ande ŝat plesyt me more specyally 1009 Than yff ŝou wepte for ŝi frendys or goodys worldly 1010 As moche water as ŝe se conteynys." 1011 Lo, contrycyon ys a soueren remedy. 1012 That dystroythe synnys, ŝat relessyt peynys. 1013 The thyrde, Gode sethe: "Suffyr pacyenly for my loue 1014 Off ŝi neybure a worde of repreve, 1015 Ande ŝat to mercy mor dothe me move 1016 Than ŝou dyscyplynyde ŝi body wyth peynys grewe 1017 Wyth as many roddys as myght grow or ŝrywe 1018 In ŝe space of a days jornye." 1019 Lo, who suffyryth most for Godes ys most lewe, 1020 Slandyr, repreve, ony aduersyte. 1021 The fourte, Gode sethe: "Wake on owyr for ŝe loue of me, 1022 And ŝat to me ys more plesaunce 1023 Than yff ŝou sent twelve kyngys free 1024 To my sepulkyr wyth grett puysschaunce 1025 For my dethe to take vengeaunce." 1026 Lo, wakynge ys a holy thynge. 1027 ŝer yt ys hade wyth good vsance, 1028 Many gracys of yt doth sprynge. 1029 The fyfte, Gode sethe: "Haue pyte and compassyon 1030 Off ŝi neybur wyche ys seke and nedy, 1031 And ŝat to me ys more dylectacyon 1032 Than ŝou fastyde forty yer by and by, 1033 Thre days in ŝe weke, as streytly 1034 As ŝou cowdys in water and brede." 1035 Lo, pyte Gode plesyth grettly, 1036 Ande yt ys a vertu soueren, as clerkys rede. 1037 The sixte, Gode seth on ŝis wyse: 1038 "Refreyn thy speche for my reuerens, 1039 Lett not thy tonge thy evyn-Crysten dyspyse, 1040 Ande ŝan plesyst ŝou more myn excellens 1041 Than yff ŝou laberyde wyth grett dylygens 1042 Wpon thy nakyde feet and bare 1043 Tyll ŝe blode folwude for peyn and vyolens 1044 Ande aftyr eche stepe yt sene were." 1045 The sevente, Cryste seth in ŝis maner: 1046 "Thy neybur to ewyll ne sterre not thou, 1047 But all thynge torne into wertu chere, 1048 And than more plesyst ŝou me now 1049 Then yf a thowsende tymys ŝou renne thorow 1050 A busche of thornys ŝat sharpe were 1051 Tyll ŝi nakyde body were all rough 1052 And eevyn rent to ŝe bonys bare." 1053 The eyghte, God sethe ŝis man tyll: 1054 "Oftyn pray and aske of me, 1055 Ande ŝat plesythe me more onto my wyll 1056 Than yf my modyr and all sentys preyde for ŝe." 1057 The nynte, Gode sethe: "Lowe me souerenly, 1058 Ande ŝat to me more plesant ys 1059 Than yf ŝou went wpon a pyler of tre 1060 ŝat wer sett full of scharpe prykkys 1061 So ŝat ŝou cut ŝi flesche into ŝe smale partys." 1062 Lo, Gode ys plesyde more wyth ŝe dedys of charyte 1063 Than all ŝe peynys man may suffer iwys. 1064 Remembyr thes poyntys, man, in ŝi felycite! 1064a Here entrethe ANIMA, wyth ŝe Fyve Wyttys goynge before, 1064b MYNDE on ŝe on syde and WNDYRSTONDYNGE on ŝe other syde 1064c and WYLL folowyng, all in here fyrst clothynge, her chapplettys 1064d and crestys, and all hauyng on crownys, syngynge in here 1064e commynge in: "Quid retribuam Domino pro omnibus que retribuit 1064f mihi? Calicem salutaris accipiam at nomen Domini inuocabo." 1065 ANIMA. O meke Jhesu, to ŝe I crye! 1066 O swet Juesu, my delectacyon! 1067 O Jhesu, ŝe sune of Vyrgyne Marye, 1068 Full of mercy and compassyon! 1069 My soule ys waschede be thy passyon 1070 Fro ŝe synnys cummynge be sensualyte. 1071 A, be the I haue a new resurreccyon. 1072 The lyght of grace I fele in me. 1073 In tweyn myghtys of my soule I the offendyde: 1074 The on by my inwarde wyttys, thow ben gostly; 1075 ŝe other by my outwarde wyttys comprehendyde, 1076 Tho be ŝe fyve wyttys bodyly; 1077 Wyth ŝe wyche tweyn myghtys mercy I crye. 1078 My modyr, Holy Chyrche, hath yowe me grace, 1079 Whom ye fyrst toke to yowr mercy, 1080 Yet of myselff I may not satysfye my trespas. 1081 Magna est misericordia tua! 1082 Wyth full feyth of foryewenes to ŝe, Lorde, I come. 1083 WYSDOM. Vulnerasti cor meum, soror mea, sponsa, 1084 In vno ictu oculorum tuorum. 1085 Ye haue wondyde my hert, syster, spowse dere, 1086 In ŝe tweyn syghtys of yowr ey: 1087 By ŝe recognycyon ye haue clere, 1088 Ande by ŝe hye lowe ye haue godly. 1089 It perrysschyt my hert to here yow crye, 1090 Now ye haue forsake synne and be contryte. 1091 Ye were neuer so leve to me verelye. 1092 Now be ye reformyde to yowr bewtys bryght. 1093 Ande ther yowr fyve wyttys offendyde has, 1094 Ande to mak asythe be impotent, 1095 My fyve wyttys, ŝat neuer dyde trespas, 1096 Hathe made asythe to ŝe Father suffycyent. 1097 Wyth my syght I se ŝe people vyolent, 1098 I herde hem vengeaunce onto me call, 1099 I smelte ŝe stenche of caren here present, 1000 I tastyde ŝe drynke mengylde wyth gall, 1101 By towchynge I felte peyns smerte. 1102 My handys sprede abrode to halse ŝi swyre; 1103 My fete naylyde to abyde wyth ŝe, swet herte; 1104 My hert clowyn for ŝi loue most dere; 1105 Myn hede bowhede down to kys ŝe here; 1106 My body full of holys, as a dovehows. 1107 In thys ye be reformyde, Soule, my plesere, 1108 Ande now ye be ŝe very temple of Jhesus. 1109 Fyrst ye were reformyde by baptyme of ygnorans 1110 And clensyde from ŝe synnys orygynall, 1111 Ande now ye be reformyde by ŝe sakyrment of penance 1112 Ande clensyde from ŝe synnys actuall. 1113 Now ye be fayrest, Crystys own specyall; 1114 Dysfygure yow neuer to ŝe lyknes of ŝe fende. 1115 Now ye haue receyuyde ŝe crownnys victoryall 1116 To regne in blys wythowtyn ende. 1117 MYNDE. Haue mynde, Soule, wat Gode hath do, 1118 Reformyde yow in feyth veryly. 1119 Nolite conformari huic seculo 1120 Sed reformamini in nouitate spiritus sensus vestri: 1121 Conforme yow not to ŝis pompyus glory 1122 But reforme in gostly felynge. 1123 Ye ŝat were damnyde by synn endelesly, 1124 Mercy hathe reformyde yow ande crownyde as a kynge. 1125 WNDYRSTONDYNGE. Take vndyrstondynge, Soule, now ye 1126 Wyth contynuall hope in Godys behest. 1127 Renouamini spiritu mentis vestre 1128 Et induite nouum hominem, qui secundum Deum creatus est: 1129 Ye be reformyde in felynge, not only as a best, 1130 But also in ŝe ouer parte of yowr resun, 1131 Be wyche ye haue lyknes of Gode mest 1132 Ande of ŝat mercyfull very congnycyon. 1133 WYSDOM. Now ŝe Soule yn charyte reformyde ys, 1134 Wyche charyte ys Gode verely. 1135 Exspoliantem veterem hominem cum actibus suis: 1136 Spoyll yow of yowr olde synnys and foly 1137 Ande be renuyde in Godys knowynge agegn, 1138 That enduyde wyth grace so specyally, 1139 Conseruynge in peyn, euer in blys for to reyn. 1140 ANIMA. Then wyth yow thre I may sey this 1141 Of Owr Lorde, soueren person, Jhesus: 1142 Suavis est Dominus vniuersis, 1143 Et miseraciones ejus super omnia opera ejus. 1144 O thou hye soueren Wysdam, my joy, Cristus, 1145 Hewyn, erthe, and eche creature 1146 Yelde yow reuerens, for grace pleyntuus 1147 Ye yeff to man, euer to induyr. 1148 Now wyth Sent Powle we may sey thus 1149 ŝat be reformyde thorow feythe in Jhesum: 1150 We haue peas and acorde betwyx Gode and ws, 1151 Justificati ex fide pacem habemus ad Deum. 1152 Now to Salamonys conclusyon I com: 1153 Timor Domini inicium sapiencie. 1154 Vobis qui timetis Deum 1155 Orietur sol justicie: 1156 The tru son of ryghtusnes, 1157 Wyche ŝat ys Owr Lorde Jhesu, 1158 Xall sprynge in hem ŝat drede hys meknes. 1159 Nowe ye mut euery soule renewe 1160 In grace, and vycys to eschew, 1161 Ande so to ende wyth perfeccyon. 1162 That ŝe doctryne of Wysdom we may sew, 1163 Sapiencia Patris, grawnt ŝat for hys passyon! 1164 AMEN! 1164a Wysdom. 1164b Anima, Fyue Wyttys. 1164c Mynde. 1164d Wndyrstondynge. 1164e Lucyfer.