N-Town Cycle, Play 12 [Joseph’s Doubt About Mary] 1 JOSEPH How, dame, how! Vndo 3oure dore, vndo! 2 Are 3e at hom? Why speke 3e notht? 3 SUSANNA Who is ther? Why cry 3e so? 4 Telle us 3oure herand; wyl 3e ought? 5 JOSEPH Vndo 3oure dore, I sey 3ow to. 6 For to com in is all my thought. 7 MARIA It is my spowse ŝat spekyth us to. 8 Ondo ŝe dore, his wyl were wrought. 9 Wellcome hom, myn husbond dere. 10 How haue 3e ferd in fer countré? 11 JOSEPH To gete oure levynge, withowtyn dwere, 12 I haue sore laboryd for ŝe and me. 13 MARIA Husbond, ryght gracyously now come be 3e. 14 It solacyth me sore sothly to se 3ow in syth. 15 JOSEPH Me merveylyth, wyff, surely! 3oure face I cannot se, 16 But as ŝe sonne with his bemys quan he is most bryth. 17 MARIA Husbond, it is as it plesyth oure Lord, ŝat grace of hym grew. 18 Who ŝat evyr beholdyth me, veryly, 19 They xal be grettly steryd to vertu. 20 For ŝis 3yfte and many moo, good Lord, gramercy. 21 JOSEPH How hast ŝu ferde, jentyl mayde, 22 Whyl I haue be out of londe? 23 MARIA Sekyr, sere, beth nowth dysmayde, 24 Ryth aftyr ŝe wyl of Goddys sonde. 25 JOSEPH That semyth evyl, I am afrayd. 26 ŝi wombe to hy3e doth stonde! 27 I drede me sore I am betrayd, 28 Sum other man ŝe had in honde 29 Hens sythe ŝat I went! 30 Thy wombe is gret, it gynnyth to ryse. 31 Than hast ŝu begownne a synfull gyse. 32 Telle me now in what wyse 33 Thyself ŝu ast ŝus schent. 34 Ow, dame, what ŝinge menyth this? 35 With childe ŝu gynnyst ryth gret to gon. 36 Sey me, Mary, ŝis childys fadyr ho is? 37 I pray ŝe telle me, and ŝat anon. 38 MARIA The Fadyr of Hevyn and 3e it is— 39 Other fadyr hath he non. 40 I dede nevyr forfete with man, iwys. 41 Wherfore I pray 3ow, amende 3oure mon. 42 This childe is Goddys and 3oure. 43 JOSEPH Goddys childe! ŝu lyist, in fay! 44 God dede nevyr jape so with may! 45 And I cam nevyr ther, I dare wel say, 46 3itt so nyh ŝi boure. 47 But 3it I sey, Mary, whoos childe is this? 48 MARIA Goddys and 3oure, I sey, iwys. 49 JOSEPH 3a, 3a, all olde men to me take tent, 50 And weddyth no wyff in no kynnys wyse 51 ŝat is a 3onge wench, by myn asent, 52 For doute and drede and swych servyse. 53 Alas, alas, my name is shent! 54 All men may me now dyspyse 55 And seyn, “Olde cokwold, ŝi bowe is bent 56 Newly now aftyr ŝe Frensche gyse.” 57 Alas and welaway! 58 Alas, dame, why dedyst ŝu so? 59 For ŝis synne ŝat ŝu hast do 60 I the forsake and from ŝe go 61 For onys, evyr, and ay. 62 MARIA Alas, gode spowse, why sey 3e thus? 63 Alas, dere hosbund, amende 3oure mod. 64 It is no man but swete Jesus. 65 He wyll be clad in flesch and blood 66 And of 3oure wyf be born. 67 SEPHOR Forsothe, ŝe aungel, ŝus seyd he, 68 ŝat Goddys sone in Trynité 69 For mannys sake a man wolde be 70 To save ŝat is forlorn. 71 JOSEPH An aungel! Allas, alas! Fy, for schame! 72 3e syn now in ŝat 3e to say, 73 To puttyn an aungel in so gret blame! 74 Alas, alas! Let be! Do way! 75 It was sum boy began ŝis game 76 ŝat clothyd was clene and gay. 77 And 3e 3eve hym now an aungel name. 78 Alas, alas, and welaway 79 ŝat evyr this game betydde. 80 A, dame, what thought haddyst ŝu? 81 Here may all men ŝis proverbe trow, 82 ŝat many a man doth bete ŝe bow, 83 Another man hath ŝe brydde. 84 MARIA A, gracyous God in hefne trone, 85 Comforte my spowse in ŝis hard cas. 86 Mercyful God, amend his mone, 87 As I dede nevyr so gret trespas. 88 JOSEPH Lo, lo, serys, what told I 3ow, 89 ŝat it was not for my prow 90 A wyff to take me to— 91 An ŝat is wel s[e]ne now! 92 For Mary, I make God avow, 93 Is grett with childe, lo. 94 Alas, why is it so? 95 To ŝe busshop I wole it telle 96 ŝat he ŝe lawe may here do, 97 With stonys here to qwelle. 98 Nay, nay, 3et God forbede 99 ŝat I xuld do ŝat ve[n]geabyl dede 100 But if I wyst wel qwy. 101 I knew nevyr with here, so God me spede, 102 Tokyn of thynge in word nor dede 103 ŝat towchyd velany. 104 Ncvyrŝeles, what forthy, 105 ŝow she be meke and mylde, 106 Withowth mannys company 107 She myght not be with childe! 108 But I ensure, myn was it nevyr! 109 Thow ŝat she hath not don here devyr, 110 Rather than I xuld pleynyn opynly, 111 Serteynly 3itt had I levyr 112 Forsake ŝe countré forevyr 113 And nevyr come in here company. 114 For and men knew ŝis velany, 115 In repreiff ci wolde me holde. 116 And 3ett many bettyr than I, 117 3a, hath ben made cokolde! 118 Now, alas, whedyr xal I gone? 119 I wot nevyr whedyr nor to what place, 120 For oftyntyme sorwe comyth sone, 121 And longe it is or it pace. 122 No comforte may I haue here. 123 Iwys, wyff ŝu dedyst me wronge! 124 Alas, I taryed from ŝe to longe! 125 All men haue pety [on me] amonge, 126 For to my sorwe is no chere. 127 MARIA God, ŝat in my body art sesyd, 128 ŝu knowist myn husbond is dysplesyd 129 To se me in ŝis plight. 130 For vnknowlage he is desesyd, 131 And ŝerfore, help ŝat he were esyd, 132 ŝat he myght knowe ŝe ful perfyght. 133 For I haue levyr abyde [d]espyt 134 To kepe ŝi sone in privité 135 Grauntyd by ŝe Holy Spyryt, 136 ŝan ŝat it xulde be opynd by me. 137 DEUS. Descende, I sey, myn aungelle, 138 Onto Joseph for to telle 139 Such as my wyl is. 140 Byd hym with Mary abyde and dwelle, 141 For it is my sone ful snelle 142 ŝat she is with, iwys. 143 ANGELUS Almyghty God of Blys, 144 I am redy for to wende 145 Wedyr as ŝi wyl is, 146 To go bothe fer and hynde. 147 Joseph, Joseph, ŝu wepyst shyrle. 148 Fro ŝi wyff why comyst ŝu owte? 149 JOSEPH Good sere, lete me wepe my fylle; 150 Go forthe ŝi wey and lett me nowght. 151 ANGELUS In ŝi wepynge ŝu dost ryght ylle— 152 A3ens God ŝu hast myswrought! 153 Go chere ŝi wyff with herty wylle, 154 And chawnge ŝi chere, amende ŝi thought. 155 Sche is a ful clene may. 156 I telle ŝe, God wyl of here be born, 157 And sche clene mayd as she was beforn, 158 To saue mankynd, ŝat is forlorn. 159 Go chere hyre, ŝerfore, I say. 160 JOSEPH A, Lord God, benedicité. 161 Of ŝi gret comforte I thank the 162 ŝat ŝu sent me ŝis space. 163 I myght wel a wyst, pardé, 164 So good a creature as she 165 Wold nevyr a don trespace, 166 For sche is ful of grace. 167 I know wel I haue myswrought. 168 I walk to my pore place 169 And aske forgyfnes, I haue mysthought. 170 Now is ŝe tyme sen at eye 171 ŝat ŝe childe is now to veryfye, 172 Which xal saue mankende, 173 As it was spoke be prophesye. 174 I thank ŝe, God, ŝat syttys on hye, 175 With hert, wyl, and mende, 176 ŝat evyr ŝu woldyst me bynde 177 To wedde Mary to my wyff, 178 ŝi blysful sone so nere to fynde, 179 In his presens to lede my lyff. 180 Alas, for joy I qwedyr and qwake. 181 Alas, what hap now was this? 182 A mercy, mercy, my jentyl make, 183 Mercy, I haue seyd al amys! 184 All ŝat I haue seyd, here I forsake. 185 3oure swete fete now lete me kys. 186 MARY Nay, lett be my fete, not ŝo 3e take; 187 My mowthe 3e may kys, iwys, 188 And welcom onto me. 189 JOSEPH Gramercy, myn owyn swete wyff, 190 Gramercy, myn hert, my love, my lyff. 191 Xal I nevyrmore make suche stryff 192 Betwyx me and ŝe. 193 A, Mary, Mary, wel ŝu be, 194 And blyssyd be ŝe frewte in the, 195 Goddys Sone of Myght. 196 Now, good wyff, ful of pyté, 197 As be not evyl payd with me 198 ŝow ŝat ŝu haue good ryght. 199 As for my wronge in syght 200 To wyte ŝe with ony synne, 201 Had ŝu not be a vertuous wythe, 202 God wold not a be ŝe withinne. 203 I knowlage I haue don amys. 204 I was nevyr wurthy, iwys, 205 For to be ŝin husbonde. 206 I xal amende aftere thys, 207 Ryght as ŝin owyn wyl is, 208 To serve ŝe at foot and honde, 209 And ŝi chylde bothe to vndyrstonde, 210 To wurchep hym with good affeccyon. 211 And ŝerfore telle me, and nothynge whonde, 212 The holy matere of 3oure concepcyon. 213 MARIA At 3owre owyn wyll as 3e bydde me: 214 Ther cam an aunge[l] hyght Gabryell, 215 And gret me fayr, and seyd, “Aue!” 216 And ferthermore to me gan tell 217 God xulde be borne of my bodé, 218 ŝe fendys powsté for to felle. 219 ŝorwe ŝe Holy Gost, as I wel se, 220 ŝus God in me wyl byde and dwelle. 221 JOSEPH Now I thank God with spech and spelle 222 ŝat euyr, Mary, I was weddyd to the. 223 MARY It was ŝe werk of God, as I 3ow telle. 224 Now blyssyd be ŝat Lord so purveyd for me.